Տեղեկատուն պարունակում է տվյալներ կազմակերպության, նրա անդամների, ինչպես նաեւ կազմակերպության հետ համագործակցող կազմակերպությունների, անհատ անձանց մասին: Տրված հեռախոսահամարները կհեշտացնեն կապը մեղվաբույծների, կազմակերպությունների հետ:
Մեղուների հիվանդություններ բաժնում տրված է Հայաստանում հաճախակի հանդիպող մեղուների հիվանդությունների, նրանց բուժման եւ կանխարգելման նորագույն գիտական մոտեցումները, վարակազերծման համար օգտագործվող միջոցները, նրանց կիրառման կարգը: Այդ տեղեկությունները վերցված են տարբեր երկրների մեղվաբուծության բնագավառում գոյություն ունեցող ժամանակակից գրականությունից, ամսագրերից, ինտերնետային էջերում տեղադրված հոդվածներից, գիտական աշխատություններից, մենագրություններից, թարգմանվել են հայերեն եւ խմբագրվել:
Վերջում ներկայացվում են որոշ տվյալներ «Ստանդարտների ազգային ինստիտուտ» ՓԲԸ-ի եւ «Հայաստանի մեղվաբուծության եւ ապիթերապիայի միավորում» կազմակերպության կողմից մշակված, ՀՀ առեւտրի եւ տնտեսական զարգացման նախարարության (ստանդարտացման ազգային մարմնի) կողմից ընդունված եւ գործողության մեջ դրված «Մեղրի բնական, տեխնիկական պայմաններ» Հայաստանի ստանդարտից (հրաման թիվ160 առ 24.12.2003):
Կանխավ շնորհակալություն ենք հայտնում դիտողությունների, առաջարկությունների համար, որոնք կնպաստեն հետագա տպագրություններն ավելի լիարժեք եւ կատարյալ դարձնելուն:
Դիտողությունները, առաջարկությունները ուղարկել «Հայաստանի մեղվաբուծության եւ ապիթերապիայի միավորում» հասարակական կազմակերպության հասցեով կամ զանգահարել եւ ուղարկել ֆաքս:
Երեւան, Կիեւյան 7, բն. 55 հեռ/ ֆաքս (3741 ) 227-996:
