Ս. Պողոսյան, Արմեն Ասրյան, Խ. Ստեփանյան, Է. Հովհաննիսյան

Սամվել Անդրանիկի Պողոսյան

Պատմական գիտությունների թեկնածու, Խ. Աբովյանի անվան հայկական պետական մանկավարժական համալսարանի դոցենտ:

2004թ. հրատարակել է «Պողոս Նուբար փաշա. ազգային գործիչը», 2005թ.` «Հայոց ցեղասպանությունը (Պատճառները, ընթացքը, հետեւանքները)» մենագրությունները, հեղինակ է ավելի քան երկու տասնյակ գիտական եւ մեթոդական հոդվածների:



Արմեն Ասրյան

Ծնվել է 1971թ. օգոստոսի 17-ին Երեւանում:

1989-1994թթ. սովորել է Խ. Աբովյանի անվան հայկական պետական մանկավարժական ինստիտուտի Պատմության եւ իրավագիտության բաժնում:

1994-1995թթ. ծառայել է ՀՀ զինված ուժերում:

1997-2002թթ. եղել է Խ. Աբովյանի անվան հայկական պետական մանկավար-ժական համալսարանի Հայոց պատմության ամբիոնի հայցորդ:

2005թ. աշխատում է Խ. Աբովյանի անվան հայկական պետական մանկավարժական համալսարանում որպես Հայոց պատմության դասախոս:

Պատմական գիտությունների թեկնածու է, ատենախոսության թեման` «Արամ Մանուկյան. կյանքը եւ գործը»:

Հրատարակել է հայ ազգային-ազատագրական շարժման եւ հայոց անկախ պետականության վերականգնման պատմությանը նվիրված մոտ երկու տասնյակ գիտական հոդվածներ եւ մեկ մենագրություն («Արամ Մանուկյան. կյանքը եւ գործը /Ազատագրական շարժման եւ անկախ պետականության վերականգնման ուղիներում/», հրատ. 2005, 2008, 2009թթ.):

Ամուսնացած է, ունի երկու երեխա:



Խաչատուր Ռոստոմի Ստեփանյան

Ծնվել է 1976թ. դեկտեմբերի 2-ին Ջավախքի Ղադո գյուղում:

1994-1998թթ. սովորել եւ ավարտել է Խ. Աբովյանի անվան Հայկական պետական մանկավարժական համալսարանի պատմության եւ աշխարհագրության ֆակուլտետի պատմության բաժինը:

1998-2001թթ. սովորել է Խ. Աբովյանի անվան Հայկական պետական մանկավարժական համալսարանի ասպիրանտուրայում` «Հայոց պատմություն» մասնագիտությամբ:

2001-2006 թթ. ղեկավարել է իր կողմից Ախալքալաքում հիմնադրված Ա-ԻՆՖՈ լրատվական գործակալությունը:

2006թ.-ից մինչ օրս դասավանդում է Խ. Աբովյանի անվան Հայկական պետական մանկավարժական համալսարանի Հայոց պատմության ամբիոնում:

Պատմական գիտությունների թեկնածու է:

Հեղինակ է 2 մենագրության եւ շուրջ 2 տասնյակ գիտական եւ գիտամեթոդական հոդվածների:



Էդգար Գագիկի Հովհաննիսյան

Ծնվել է 1982թ. օգոստոսի 6-ին Կոտայքի մարզի Նոր գյուղում:

1999թ. ավարտելով տեղի միջնակարգ դպրոցը ընդունվել է Խ.Աբովյանի անվան հայկական պետական մանկավարժական համալսարանի պատմության եւ իրավագիտության ֆակուլտետը, որը գերազանցությամբ ավարտելուց հետո ուսումը շարունակել է նույն համալսարանի Հայոց պատմության ամբիոնում որպես ասպիրանտ:

2007թ. պաշտպանել է թեկնածուական ատենախոսություն` ստանալով պատմական գիտությունների թեկնածուի գիտական աստիճան:

Ներկայում աշխատում է Մանկավարժական համալսարանում որպես հայոց պատմության դասախոս:

Հեղինակ է մի շարք գիտամեթոդական հոդվածների: